ବରଗଡ଼ (ସତ୍ୟ ନାରାୟଣ ପ୍ରଧାନ)
ବିଜୁଳି ଏକ ମୌଳିକ ଆବଶ୍ୟକତା ହୋଇଥିବା ବେଳେ ଏହାର ମାତ୍ରାଧିକ ଦର ବୃଦ୍ଧି କରି ରାଜ୍ୟ ସରକାର  ସାଧାରଣ ଲୋକଙ୍କ ଉପରେ ଶୋଷଣ କରୁଥିବା ଅଭିଯୋଗ କରିଛି ଆମ୍ ଆଦମୀ ପାର୍ଟି  । ଦିଲ୍ଲୀ ରେ ଯେପରି ସମସ୍ତଙ୍କୁ  ୨୦୦ ୟୁନିଟ ବିଜୁଳି ଫ୍ରୀ ଦିଆଯାଉଛି ସେହିପରି ଓଡିଶାରେ ମଧ୍ଯ ସମସ୍ତଙ୍କୁ ୨୦୦ ୟୁନିଟ ବିଜୁଳି ଦେବାକୁ ଆମ୍ ଆଦମୀ ପାର୍ଟି(ଆପ୍ ) ଦସ୍ତଖତ ଅଭିଯାନ ଆରମ୍ଭ କରିଛି । ଏଥି ପାଇଁ ଅତାବିରା ରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ସ୍ଥାନୀୟ କେକେ ଭବନରେ ଏହି ବୈଠକ ହୋଇଥିଲା । ଏଥିରେ ୨୨ ଜଣ ନୂଆ ସଭ୍ଯ ଯୋଗଦେଇ ଥିଲେ । ଜିଲ୍ଲା ଆବାହକ ଭବାନୀ ସାହୁ , ପବିତ୍ର ଦେହେରୀ , ଅସିତ ସାହୁ, ଆଶିଷ ମିଶ୍ର ଉପସ୍ଥିତ ରହିଥିଲେ । ସଭାକୁ ଜୟକିଶନ ଛୁରିଆ ସଂଚାଳନ କରିଥିଲେ ।