ବରଗଡ଼:-(ସତ୍ୟ ନାରାୟଣ ପ୍ରଧାନ)
ଅତାବିରା ବ୍ଲକ ଅନ୍ତର୍ଗତ ରେଙ୍ଗାଲି କେମ୍ଫ ନିକଟରେ ଇଫକୋ ୟୁରିଆ ସାର ସହିତ ଜୋର ଜବରଦସ୍ତ ଭିଟାମିନ ବିକ୍ରି କରିବା ପ୍ରତିବାଦରେ ଆଜି ଚାଷୀ ମାନେ ରାସ୍ତା ରୋକ୍ କରିଥିଲେ। ଇଫକୋ ୟୁରିଆ ବିକ୍ରୟ କେନ୍ଦ୍ର ରେ ଚାଷୀ ମାନଙ୍କୁ ୟୁରିଆ ସାର ସହିତ ଭିଟାମିନ ନେବାକୁ ସେଠାକାର କର୍ମଚାରୀ ମାନେ ବାଧ୍ୟ କରୁଥିଲେ। ଭିଟାମିନ ନ ନେଲେ ସାର ମିଳିବ ନାହିଁ ବୋଲି ରୋକ ଠୋକ ଶୁଣାଉଥିଲେ। ଏହାର ପ୍ରତିବାଦରେ ଆଜି ଚାଷୀ ମାନେ ମୁମ୍ବାଇ-କୋଲକାତା ଜାତୀୟ ରାଜପଥ କୁ ୪ଘଣ୍ଟା ଧରି ଅବରୋଧ କରିଥିଲେ। ଘଟଣା ସ୍ଥଳରେ କୃଷି ଅଧିକାରୀ ସନ୍ତୋଷ କୁମାର ବେହେରା, ସମ୍ବଲପୁର ସ୍ଥିତ ଇଫକୋ ୟୁରିଆ ସାର କମ୍ପାନୀ ର ଆଞ୍ଚଳିକ ପ୍ରବନ୍ଧକ, ପୋଲିସ ଅଧିକାରୀ ପହଞ୍ଚି ଚାଷୀ ମାନଙ୍କୁ ୨ ବସ୍ତା କରି ୟୁରିଆ ସାର ଦିଆଯିବାକୁ ପ୍ରତିଶୃତି ଦେବାପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା।