ଢେଙ୍କାନାଳ(ଉଲାପ୍ର) ଢେଙ୍କାନାଳର ସଦରବ୍ଲକ ଅନ୍ତର୍ଗତ ମଧୁସାହୁପାଟଣା ଗ୍ରାମପଂଚୟତର GRS ଙ୍କ ବଦଳି ରୋକିବା ପାଇଁ ଗ୍ରାମବାସୀ ଜିଲ୍ଲାପାଳଙ୍କ ଦ୍ୱାରସ୍ତ ହୋଇଥିଲେ ।ଉକ୍ତ ଗ୍ରାମର କିଛି ମୁଷ୍ଟିମେୟ ବ୍ୟକ୍ତି ବିଶେଷ ନିଜର ସ୍ୱାର୍ଥ ହାସଲ ନ ହୋଇପାରିବାରୁ ରାଜନୈତିକ ଚାପ ପକାଇ GRS ଙ୍କର ଅନ୍ୟତ୍ର ବଦଳି କରାଇଦେଇଛନ୍ତି ।କିନ୍ତୁ ଗ୍ରାମବାସୀଙ୍କର କହିବା ଅନୁଯାୟୀ GRS ଜଣଙ୍କ ଜଣେ ଭଦ୍ର, ସରଳ, ଗରିବ ମାନଙ୍କର ସାହାଯ୍ୟ କାରି ବ୍ୟକ୍ତି ଅଟନ୍ତି । ଗ୍ରାମବାସୀଙ୍କ ଅଭିଯୋଗ ଅନୁସାରେ ଏହିଭଳି ଭାବେ କିଛି ବ୍ୟକ୍ତି ବିଶେଷ ପୂର୍ବରୁ ଉକ୍ତ ଗ୍ରାମର କାର୍ଯ୍ୟରତ VLW ଙ୍କୁ ମଧ୍ୟ ନିଜ ହାତର କୁଶ ପିତୁଳିକ କରି ନଚାଇବାକୁ ଚାହିଁଥିବା ବେଳେ ତାହା ହୋଇନପାରିବାରୁ ତାଙ୍କୁ ମଧ୍ୟ ବଦଳି କରାଇଦେଇଥିଲେ । ତେଣୁ ଗ୍ରାମବାସୀଙ୍କ ଅଭିଯୋଗ ଅନୁଯାୟୀ ଜିଲ୍ଲାପାଳ ଏହାର ଉଚିତ ତଦନ୍ତ କରି ବଦଳିକୁ ରୋକିଲେ ଗ୍ରାମବାସିବୃନ୍ଦ ଉପକାର ପାଇପାରିବେ । ନଚେତ ଗ୍ରାମବାସୀଙ୍କ ମଧ୍ୟରେ ଜନ ଅସନ୍ତୋଷ ବୃଦ୍ଧି ପାଇବ ବୋଲି ଗ୍ରାମବାସୀ ଦାବି କରିଥିଲେ ।