ନୂଆଦିଲ୍ଲୀ: କରୋନା ଭାଇରସ୍‌ର ପ୍ରଭାବ ଦେଶରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ସରକାର ବି ଏହି କରୋନା ଭାଇରସ୍‌ ଚେନ୍‌କୁ ଭାଙ୍ଗିବା ପାଇଁ ବିଭିନ୍ନ ପ୍ରକାର ପ୍ରକ୍ରିୟାମାନ ଆପଣାଇ ଚାଲିଛନ୍ତି। କରୋନା ସଂକ୍ରମଣ କାରଣରୁ ଏବେ ଦେଶରେ ତୃତୀୟ ପର୍ଯ୍ୟାୟ ଲକ୍‌ଡାଉନ ଜାରି ରହିଛି । ଏହି କାରଣରୁ ସ୍କୁଲ, କଲେଜ, ଜିମ୍ ଓ ମଲ୍‌ ଆଦି ବନ୍ଦ ରହିଛି। ଲୋକମାନେ ଜରୁରୀ ସାମଗ୍ରୀକୁ ଛାଡ଼ି ଦେଲେ ମଲରୁ ଅନ୍ୟସବୁ ସାମଗ୍ରୀକୁ କ୍ରୟ କରି ପାରୁ ନାହାନ୍ତି। ଯେଉଁ କାରଣରୁ ପୋଷାକ, ଜୋତା, ବ୍ୟାଗ ଆଦି ବିକ୍ରି ହେଉଥିବା ସାମଗ୍ରୀଗୁଡ଼ିକର ସୋ’ ରୁମ୍‌ ବନ୍ଦ ହୋଇ ରହିଛି।ନିକଟରେ ସୋସିଆଲ ମିଡିଆରେ ଏକ ସୋ’ ରୁମ୍‌ ଭିତରର ଫଟୋ ଭାଇରାଲ ହେବାରେ ଲାଗିଛି। ଏହି ଫଟୋ ଟି ଭୁବନେଶ୍ୱର ସ୍ଥିତ ପଣ୍ଡା ଶୋ ରୁମରେ ବୋଲି ଦାବି କରାଯାଉଛି। ଏହି ସୋ’ ରୁମ୍‌ଟି ଦୁଇମାସ ପରେ ଖୋଲିଥିବା କୁହାଯାଉଛି। ଦୁଇମାସ ପରେ ଖୋଲିଥିବା ଏହି ସୋ’ ରୁମ୍‌ ଭିତରର ଫଟୋକୁ ଯିଏ ଦେଖୁଛି ସେ ଆଶ୍ଚର୍ଯ୍ୟ ହୋଇଯାଉଛି।