ବ୍ରହ୍ମପୁର : ଗଞ୍ଜାମ ଜିଲା ବ୍ରହ୍ମପୁର ଗୋସାଇନୁଆଗାଁ ସ୍ଥିତ ଉତ୍କଳ ବାଳାଶ୍ରମରୁ ୧୩ ଜଣ ନାବାଳିକା ଅନ୍ତେବାସିନୀ ନିଖୋଜ ଘଟଣାରେ ମଙ୍ଗଳବାର ୭ଜଣ ନାବାଳିକାଙ୍କୁ ପୁଲିସ ଉଦ୍ଧାର କରିଛି। ବିଭିନ୍ନ ସ୍ଥାନ ଜଗନ୍ନାଥ ପ୍ରସାଦ, ଚିକିଟି ଓ ଭୁବନେଶ୍ବରରୁ ବ୍ରହ୍ମପୁର ପୁଲିସ ଏହି ୭ଜଣ ନାବାଳିକାଙ୍କୁ ଉଦ୍ଧାର କରିଥିବା ଜଣାପଡ଼ିଛି। ଉଦ୍ଧାର ହୋଇଥିବା ନାବାଳିକାଙ୍କ ଜରିଆରେ ପୁଲିସ ଅନ୍ୟ ନାବାଳିକାଙ୍କୁ ଉଦ୍ଧାର ପାଇଁ ପ୍ରୟାସ କରୁଛି। ଏନେଇ ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରେୟ ଭାଓ ସାହେବ ସୂଚନା ଦେଇଛନ୍ତି।